ROMARÍA DAS LETRAS

No mes de Maio, en Boiro teñen lugar dúas festas que gardan moita relación coa arte e a artesanía galega:

• Maio Vintage
• A Romaría das Letras

No noso colexio tratamos de facer ,en Comunidade, a nosa Romaría das letras 2019. Obradoiros artesanais e exposición dos traballos feitos sobre o escritor homenaxeado nas Letras.

Como nos organizamos?

O ANTES

O alumnado de 3º E. Primaria foi o encargado de diseñar o Cartel anunciador da Romaría das Letras no CEIP de Escarabote este ano. Establecéronse unhas bases escritas co texto que o cartel debería levar e a proposta de ter o traxe rexional galego e a artesanía como tema principal. 

Que bos carteis fixeron! Foi moi dificil escoller unha única opción ...entre tanto traballo ben feito...

Infantil fixo un grande mural-collage co rostro do homenaxeado este ano nas Letras 2019: Antonio Fraguas Fraguas. Que ben quedou Don Antonio e que elegante co seu traxe de cadros...Artistada!

Ao alumnado de 1º e 2º E. Primaria propúxoselles facer boas caricaturas de Antonio Fraguas para logo incluir en marcapáxinas o día da Romaría. O traballo das caricaturas tivo moito éxito así que esta actividade abriuse a todo o alumnado. Infantil quixo facer caricaturas...e traballaron moito.

Como nos sorprenderon as coloridas e curiosas caricaturas tanto de Infantil como de 1º e 2º curso de Educación Primaria!
Artistas de 3 anos:

Artistas de 4 anos:

Artistas de 5 anos:

4º de E. Primaria aportou un traballo sobre Antonio Fraguas moi interesante...Logo de traballar sobre o homenaxeado das Letras 2019...quixeron traballar o audio Podcast...

Ante os carteis gañadores deste ano e a interesantísima Unidade didáctica que os acompaña...reflexionaron en que o texto dos carteis estaba adaptado a pictogramas. Cartel e texto en pictogramas...accesible...Máis para ser ainda máis inclusivos...adaptaron a exposición dos carteis en audio...Fixeron unha audioguía.

Alumnado de sexto axudou a facer as descricións dos carteis. Alumnado de 4º repartiron o texto e practicaron ben a parte que lle tocou a cada parella.

Gravaron cada fragmento co Audacity e logo o Equipo fixo traballo de edición.

O alumnado de 5º de E. Primaria traballou banda deseñada. Unha vez coñecida a vida de Antonio Fraguas elaboraron por grupos banda deseñada Antonio Fraguas.

PREPARACIÓN DOS OBRADOIROS

Mandouse unha nota ás familias comunicando que tipo de Romaría queríamos facer e pedimos a súa colaboración tanto se querían ofertar un obradoiro ou se querían botarnos unha man para poder desenvolver os obradoiros que se propuxeran.

Por parte das familias chegaron propostas moi boas. Fixemos unha escolla entre aquelas propostas axustadas ou relacionadas con Romaría, traxe tradicional, xogos populares, cestería...Por relacionalo con Antonio Fraguas Fraguas...e logo segundo o material necesario (baixo custo e doado de conseguir).

Obradoiros de mestras e familias:

• Pandeiretas
• Monteiras
• Bandeira de Galicia con Hama. Chaveiro
• Música e Baile Tradicional
• Montaxe de Marcapáxinas
• Elaboración de moedeiros de banda deseñada.
• ArteMar
• Espazo de Biblioteca escolar

Na nosa Romería tamén queriamos incluir algún obradoiro de expertos. Chamamos á Asociación ÁMBAR para que viñeran a facer eles o obradoiro de cestería e así xs nenxs fixeran algunhas pezas entre todxs.
Tamén chamamos a varias Asociacións