Libro de grande formato. Páxinas dun papel especial portadoras dos poemas traballados. 40x40 foi a medida acordada. A mesma para as láminas dos poemas e para as obras plásticas, creativas e con distintas técnicas: debuxo, collage, texturas, materiais de reciclaxe, fotografía...
O contido dos poemas e ilustración.... unha caixa ben decorada: a maleta dos poemas, que logo se ubicará na Biblioteca do colexio, xunto ao disco...
A RODA RODA e MIÑA DOCE AMIGA.
A FALA.
Que como é o do disco? Pois...
O contido do disco é moi completiño e variado. Inclúe desde a Carta aos nenos na voz do mestre xubilado Moncho até unha breve biografía que inclúe vida e obra de Manuel María rapeada polos de sexto.
Por aulas ,fomos preparando o modo de representar en audio o noso poema, xa musicado, versionado, recitado colectivo, recitado moderno,...
Para a gravación das pezas tivemos a axuda da Escola de Música de Boiro. Non lles importou pasar toda una mañá na clase de música do noso colexio. Cada grupo ía pasando e gravando a súa parte. No disco tamén participan algunas nais e avoas. Ata as da limpeza se arrancaron con algúns versos e temen a súa participación.
Todo o proceso foi fantástico, estivo cheo de emoción, de maxia e de aprendizaxes variados. Moitos ensaios para que todo saira ben.
Pois co esforzo de todos e todas conseguimos ter o noso disco!
O venres 17...pero de xuño, logo dun mes da celebración oficial das Letras, foi o noso Acto oficial de presentación do disco. No colexio.
Unha improvisada pero moi lucida escea no ximnasio. Panel onde quedaban prendidos todos e cada un dos poemas 40x40, moi lucidos, nese papel especial.
As Letras de presentación e un tendal onde se expuñan os traballos ordenados. As distintas ilustracións desde os máis pequenos de Infantil até o sexto curso de Primaria. O público, agardando que comezara a función.
Os presentadores...Paula e David de sexto, que o fixeron xenial!
O acto comezou coa lectura da Carta aos nenos. Esta vez foi Gerardo o que entoou as verbas do poeta.
Espertou ao público O Galo moi alegre, o do grupo de Infantil de 3 aniños.
O grupo de catro anos cantáronlle Á Lúa dos Soños na Gaiola.
O que cantou tamén foi O Carro dos de 5anos, xa que na Chá non canta ninguén.
O que cantou tamén foi O Carro dos de 5anos, xa que na Chá non canta ninguén.
Do Carro, á Roda Roda da rapacería de 1º curso.
2º curso interpretou unha peza moi especial: Miña doce amiga.
3º curso, con enerxía recitou ao moderno a loita de dúas forzas potentes na nosa Terra: O mar e O vento.
Sen saír do mar, 4º curso amosou a dorna mariñeira, xentil e lixeira.
Os maiores do cole 5º e 6º repartíronse os poemas máis comprometidos con Galicia e a Nosa Lingua.
A fala! e Galicia. Os mesmos de sexto, rapearon de xeito moi orixinal a vida e obra do autor homenaxeado.
Cada grupo explicou como fixo a ilustración, que técnica e que materiales foron utilizados.
Cada grupo explicou como fixo a ilustración, que técnica e que materiales foron utilizados.
Os versos...non se quedaron no cole. Á saída había un gran tendal de versos para levar. Así que os rapaces e as familias puideron levar para a casa versos de cores escritos do puño e letra do noso alumnado.
Foi unha celebración grande, moi emotiva. Participou todo o colexio e foi xenial!
Ningún comentario:
Publicar un comentario